Siglir tar il cuntegn

Grischun Central Anc naginas annunzias sin plazzas rumantschas en Sutselva

En Val Schons èn libras duas plazzas per Rumantschas e Rumantschs. L’Agentura da Novitads Rumantscha (ANR) tschertga in schurnalist, e la Lia Rumantscha in collavuratur regiunal. Ina cumbinaziun da las duas plazzas parzialas è delicata.

Ina grafica che mussa nua ch'i vegn discurrì sutsilvan e quant pertschient che duas plazzas ensemen muntassan.
Legenda: Pertge betg cumbinar duas plazzas en ina? Grafica - RTR

La plazza da lavur da la Lia Rumantscha ha in pensum da 40%, quella da l’Agentura da Novitads Rumantscha in pensum da 20-30%. Ensemen dess quai in’occupaziun d’enfin 70%. Entant che Martin Gabriel, il president dal cussegl da fundaziun da la ANR beneventass ina collavuraziun, è la Lia Rumantscha pli sceptica. Il secretari general, Urs Cadruvi, ha resalvas quai che pertutga l’independenza, sch’ina persuna lavura il medem temp en il schurnalissem e per la promoziun dal rumantsch.