L’animal saja vegnì mazzà entras ina morsa en la tatona, probablamain d’in luf u d’in chaun ferm. Cura che l’animal saja mort na saja anc betg enconuschent. Ma probablamain na sa tracti anc betg d’in lung temp.
Naginas restanzas da ballas da schluppets
Restanzas da ballas da schluppets n’hajan ins betg chattà, ha raquintà Hannes Jenny. Il schacal, che sumeglia ad ina vulp, vegnia uss examinà e tut tenor empaglià en collavuraziun cun il Museum da la natira dal Grischun.
Tenor Jenni deriva l’animal probablamain dal sidost da l’Europa. En il Tirol dal Sid ed en l’Austria sajan derasads ils schacals mellens. Ils ultims trais onns èn adina puspè vegnids observads ils animals ed ina giada hajan els schizunt stgarpà ina nursa.
Gia in auter schacal en il Museum da la natira
Il schacal mellen ch’è vegnì mazzà il 2016 per sbagl d’in chatschader, è exponì en il Museum da la natira a Cuira.
Observaziuns da schacals mellens piglian ils guardia-selvaschina gugent encunter.
RR novitads 17:00