Tenor la vischnanca d’Andeer saja da quintar ch’ils emprims onns da manaschi na possia la pratica betg vegnir manada cun gudogn, quai surtut sche quella stoppia cumenzar il manaschi cun mo ina media empè da trais medis che pudessan parter las stanzas.
Davart ina participaziun finanziala ston las autras vischnancas da la Val Schons ed Avras anc decider. L'ospital da Tusaun na po betg sa participar ad in deficit pussaivel da la pratica da medis, cunquai ch'autras praticas da medis da la regiun na vegnian er betg sustegnidas da l'ospital.
Register funsil Valragn vegn serrà
Plinavant ha la radunanza communala d’Andeer decidì da schliar il register funsil Valragn e da sa participar a Tusaun a partir dal mars 2020. La midada è necessaria pequai ch‘il manader dal register funsil Valragn ad Andeer va en pensiun, ed i n'è betg pussaivel chattar ina successiun.
RR novitads 23:00
