In segund da chasa
Anna Steiner abitescha dapi radund quatter onns en la chasa da tgira ad Andeer. Il pli gugent passenta ella il temp en la cafetaria cun ils auters cussadents. Là mangian els ensemen e s’entaupan il suentermezdi per in café:
En in chasa d'attempads n'èn ins betg sulet. Quai è bel. A chasa fiss jau tut persula.
In grond hobi da la dunna da Ziràn è dentant era da guardar televisiun. Uschia ha ella gist pliras serias d'amur tudestgas che plaschan fitg bain ad ella:
La dunna da 83 onns zambregia er fitg gugent. Mumentan ha ella dentant ina blessura vid il maun e na sa betg far las figuras da palpiri e las serviettas che decoreschan tut sia chombra.
L'um per tut ils cas
Richard Mani è in zic la bun'olma da la chasa da tgira «Glienda» ad Andeer. El lavura dapi il 2002 en chasa ed è actualmain il manader dal servetsch tecnic:
El survegn mintga di ina glista cun lavurs che ston vegnir fatgas. Quellas lavurs èn fitg vastas. Davent dar da mangiar als utschels e cunigls, sur reparar radios e maschinas da lavar e rollaturs. El manegia che la lavur na manchia mai ad els.
El ha in contact fitg stretg cun ils cussadents. Adina puspè fa Richard Mani da taxi cun ils abitants da la chasa, sche quels ston ir insanua.
-
Bild 1 von 7. Richard Mani, il manader servetsch tecnic en cuschina avant la maschina da lavar rutta. Bildquelle: RTR, Ronja Muoth.
-
Bild 2 von 7. Richard Mani sclerescha, pertge che la maschina da lavar na funcziuna betg. Bildquelle: RTR, Ronja Muoth.
-
Bild 3 von 7. Anna Steiner en sia chombra, nua ch'ella sa senta da chasa. Bildquelle: RTR, Ronja Muoth.
-
Bild 4 von 7. Bildquelle: RTR, Ronja Muoth.
-
Bild 5 von 7. Tina Dettli ha 95 onns e viva dapi 4 onns en la chasa Glienda. Bildquelle: RTR, Ronja Muoth.
-
Bild 6 von 7. Daniela Wasescha responsabla per la cafetaria e l'entira economia da la chasa. Bildquelle: RTR, Ronja Muoth.
-
Bild 7 von 7. Decoraziun che Anna Steiner ha zambregià. Bildquelle: RTR, Ronja Muoth.
RR actualitad 08:00++