Il local per giuvenils è planisà en il plaun sutteran da la scola d’Andeer e vegn realisà cun agid da l’uniun per lavur cun giuvenils Viamala Glais 18 da Tusaun.
Tgea Sulegl vegn engrondida
En in’autra tractanda è vegnì decidì dad engrondir la clinica da reabilitaziun Tgea Sulegl cun cumprar la parcella 569. La radunanza communala ha approvà in credit da 1.5 milliuns francs. Uschia duain ils visitaders da la clinica survegnir dapli plazs per tractaments. Cun bajegiar stgalas novas duai era vegnir meglierada la segirtad e cas d’urgenza ed evacuaziuns.
Ulteriurs credits
Plinavant ha il suveran d’Andeer decidì da vender terren ad in pèr che vul vegnir ad abitar ad Andeer. Uschia vegn vendida ina parcella da 924 meters quadrat per 231’000 francs. Plinavant vegni a dar a Pignia ed a Clugin dus molocs per dismetter rument. Era approvà è vegnì in credit per cumprar in nov vehichel dals pumpiers cun apparats da respiraziun, il credit munta a 170’000 francs.
RR novitads 06:00