Siglir tar il cuntegn

Header

Navigaziun

cuntegn

Grischun Central Andeer survegn in nov center da medis

Venderdi damaun è stada l’emprima badigliada. Tranter la chasa istorica Spada, la chanzlia communala e la chasa da tgira Glienda vegnan fabritgadas 13 abitaziuns ch’ins po cumprar u pigliar a tschains, ina pratica che porscha plaz a trais medis. Plinavant datti in’apoteca ed in biro da la Spitex.

En tut vegnan investids radund diesch milliuns francs en il cumplex. Responsabel per il project è la cuminanza d’interess Spada. A questa fan part Gion Duri Cantieni, Martin Cantieni, Robert Lombardini e Valentin Luzi. Per la pratica da medis è vegnida fundada la fundaziun Spada. Quella è il mument a la tschertga d’ina instituziun che vul manar la pratica da medis.

L’idea è ch’ils medis vegnan emploiads sin basa d’in contract da lavur. Gia cler è che la media da chasa dad Andeer Pia Schnider vul far midada en la nova pratica. Ella saja en contact cun in medi ed ina media, che veglian vegnir a lavurar cun ella en la pratica, ha ella ditg envers RTR.

Las lavurs da construcziun dal center Spada duessan esser a fin il december 2020.

Uschia duess il nov bajetg ed in'abitaziun vesair ora.
Legenda: Uschia duess il nov bajetg ed in'abitaziun vesair ora. Biro d'architectura fanzun Cuira

RR actualitad 08:00