Siglir tar il cuntegn

Header

audio
Andeer sto auzar taxas per salvar situaziun precara
Or da Actualitad dals 27.11.2021.
abspielen. Laufzeit 2 minutas 30 Sekunden.
cuntegn

Andeer Vegnir or da la crisa cun auzar taglias

La radunanza communala d’Andeer ha approvà in pachet da mesiras, per meglierar la situaziun precara da finanzas. Cun questas mesiras spera Andeer da pudair generar 600’000 francs dapli ad onn.

Quai sa mida:

  • La taglia sin immobiglias e la taglia da midada da maun vegnan auzadas sin 1.5%, a partir da l’emprim da schaner 2022.
  • Tar il niz da l‘electric vegn introducida ina taxa da dus raps per ura kilowat, ed il rabat sin l’electric vegn abolì. Questas mesiras valan a partir da l’emprim d’avrigl 2022.

La fin dal 2020 aveva Andeer chapital ester en la valur da 16,2 milliuns francs. Ils debits nets muntan a 4,4 milliuns francs. Quai è circa 5000 francs per mintga abitanta ed abitant e vul dir ch’ils debits èn auts.

Plinavant ha la radunanza communala approvà il preventiv dal 2022. Quel prevesa expensas da radund 10,4 milliuns francs tar in minus da stgars 400‘000 francs. Investì duess vegnir la summa da quasi in milliun.

Il pe da taglia d'Andeer resta sin 90% da la taglia chantunala simpla. 

Il president communal d'Andeer Hans Andrea Fontana è cuntent ch'el po generar dapli entradas en l'avegnir.
Legenda: Il president communal d'Andeer Hans Andrea Fontana è cuntent ch'el po generar dapli entradas en l'avegnir. RTR, Federico Belotti

RTR actualitad 07:00

Artitgels legids il pli savens

Scrollar a sanestra Scrollar a dretga