La radunanza communala dad Andeer ha augmentà ier saira per in terz il credit per in vehichel da pumpiers. Enstagl da 160'000 francs, sco previs en il preventiv 2022, dovri 210'000 francs per il vehichel che vegn staziunà a Ziràn. La raschun sajan ils pretschs che sajan creschids en blers secturs, scriva la vischnanca.
Plinavant ha la radunanza communal approvà ils status revidids da la corporaziun da vischnancas dal Rain Posteriur per il center da tgira Glienda.