Cun quatter votaziuns che han lieu ils 26 da november a chaschun da la radunanza communala da budget, vul la vischnanca d’Andeer generar entradas supplementaras da 640’000 francs ad onn. Uschia duessan vegnir auzadas las taglias da midada da maun, la taglia sin immobiglias, e las contribuziuns per il niz dal terren public. Sin l’electric duessi dar nagin rabat pli. Il pe da taglia duess restar sin 90% da la taglia chantunala simpla.
La fin da l’onn passà ha Andeer gì 16,2 milliuns debits u circa 5'000 francs per mintga abitanta ed abitant. La vischnanca argumentescha cun il grond basegn d’investir dals davos onns, e custs pli auts per differentas obligaziuns sin il sectur da sanadad e l’educaziun. Dapli debits ch’Andeer per persuna ha en il Grischun mo la vischnanca da Val.