A Lai vegn tschertgà Paul Karpf che ha 83 onns. Sco ultim ha el telefonà ils 9 da mars 2022 cun sia dunna. L'um ch'abita a Turitg, è ì a viagiar a Lai, davent da ses domicil da vacanzas. El stuess esser da viadi u a pe u cun il traffic public. Er cun ina tschertga extendida, n'han ins betg chattà l'um.
Legenda:
Paul Karpf ha 83 onns ed è sparì a Lai.
MAD, Polizia chantunala
Signalament:
Paul Karpf è 1,80 meters grond, el ha chavels grischs ed è schlanc. El porta jeans, ina giacca grischa cun capuza ed ha in pitschen satgados nair cun el.
Persunas che pon far indicaziuns davart Paul Karpf, duain s'annunziar tar il post da polizia Lai/Alvra, sut il numer da telefon 081 257 78 10.