Siglir tar il cuntegn

Header

audio
Fredi Gmür analisescha la situaziun dals hotels a Savognin
Or da Actualitad dals 29.03.2021.
laschar ir. Durada: 03:25 minutas.
cuntegn

Anteriur directur da turissem «Hotellaria a Savognin ha in problem»

Il problem da Savognin saja la relaziun tranter abitaziuns da vacanzas ed hotels, analisescha Fredi Gmür. L'anteriur directur da turissem a Savognin è dentant er persvas ch'il lieu ha in potenzial sco lieu turistic.

«Savognin ha in problem», resumescha Fredi Gmür. Tranter il 1989 e 1996 era el il directur da turissem da Savognin, il davos onns directur da l'uniun d'albierts per la giuventetgna Svizra. L'expert da turissem observescha anc adina cun interess la situaziun a Savognin. Gia da ses temp sco directur era la relaziun da letgs da hotel cun letg d'abitaziuns da vacanzas en in dischequiliber.

Hotels da famiglia han manchentà d'investir

Per Gmür èsi cler: ils hotels da famiglia han en in sectur da marschas bassas manchentà d'investir ils davos onns. Il medem mument mancan amez vischnanca er las reservas da terren per sa sviluppar ad ina grondezza rentabla. E cumprar ina immobiglia per in pretsch da martgà nua ch'ins stoppia anc investir, na saja per in nov possessur betg interessant. Che Savognin ha in potenzial turistic è Gmür persvas, quai mussia er ch'ina chadaina da hotels avra da stad il hotel UFA.

Intgins hotels da Savognin, ch'han serrà.
Legenda: Intgins hotels da Savognin, ch'han serrà. RTR, Tona Poltera

RTR actualitad 08:00

Artitgels legids il pli savens

Scrollar a sanestra Scrollar a dretga