Siglir tar il cuntegn

Header

audio
Arena da biatlon Lantsch: Organisaziuns d'ambient cunter pista da skis da rodas
Or da Actualitad dals 28.05.2020.
laschar ir. Durada: 3 minutas 26 Secundas.
cuntegn

Arena da biatlon Quint senza organisaziuns per l'ambient

Cunter la revisiun da la planisaziun locala da Lantsch han las organisaziuns per l'ambient WWF e Pro Natura inoltrà in recurs. La nova pista per skis cun rodas planisada sto spetgar.

Senza resguard sin il concept da protecziun haja la vischnanca ed il chantun agì, resumescha Anita Mazzetta dal WWF Grischun ils plans per dapli pistas per skis cun rodas per l'arena da biatlon a Lantsch. Las organisaziuns per l'ambient WWF e Pro Natura hajan da l'entschatta davent infurmà e fatg attent a la problematica. Uschia manca per exempel ina expertisa davart ils cots e las giaglinas selvadias en la regiun ed er la dumonda da runcada na saja betg tematisada. Senza quella lubientscha n'avess la regenza betg dastgà lubir il plan d'utilisaziun per quest project. Vitiers fa il WWF attent ch'i dess senz'auter variantas che schanegiassan la cuntrada.

La dretgira decida

Il president communal da Lantsch, Simon Willi, è surstà dal recurs. Las organisaziuns per l'ambient sajan stadas involvidas da l'entschatta davent en il process.

La vischnanca ed il chantun han fatg ina tactica da salami.
Autur: Anita Mazzetta WWF Grischun

Ins saja stà infurmà a scrit da bell'entschatta che las organisaziuns per l'ambient na sustegnan betg il project planisà en questa furma. I na saja mai vegnì entrà en las propostas fatgas e mai vegnì preschentà alternativas, crititgescha Mazzetta.

Anita Mazzeta WWF Grischun.
Legenda: Anita Mazzeta WWF Grischun. Tona Poltera

Alternativas

Las organisaziuns per l'ambient na sajan betg da princip cunter dapli pistas per skis cun rodas. Ina varianta savess esser in'autra lingia ni nizzegiar vias existentas. Per Anita Mazzetta è dentant er cler: «L'arena da biatlon è in implant da trenament per sportists da professiun e betg in lieu per sport da massa.»

RTR actualitad 17:00

Artitgels legids il pli savens