Siglir tar il cuntegn

Header

video
Paucas fatschentas a la fiera da biestga da maz a Cazas
Or da Telesguard dals 14.04.2020.
laschar ir
cuntegn

Arena Grischuna Fiera da biestga da maz in pau pli speziala

Fin trais giadas al mais s’inscuntran purs e martgadants en l’Arena Grischuna a Cazas, per vender e cumprar muaglia da maz. Pervi dal coronavirus è la pratica da vendita ussa però autra che usità.

Enfin 60 gianitschas, vadels e vatgas vegnan en quest temp normalmain vendids al martgà da biestga da maz. A la fiera da maz dad oz mardi, èn mo 30 animals vegnids vendids, ha ditg Christian Parli, il manader da Graubünden Vieh/Biestga Grischun. Perquai ch’ils pretschs da la muaglia èn il mument circa 10% sut ils pretschs da l’onn passà, tegnian blers purs il mument enavos lur muaglia cun la speranza, ch’ils pretschs pudessan s’augmentar cura che ustarias pon puspè avrir lur portas.

Spezial a la vendita da muaglia da maz actuala è, ch’ils purs na pon betg entrar en l’Arena Grischuna per martgadar cun ils martgadants da biestga, quai per pudair tegnair en las reglas da la distanza sociala. Ussa valan simplamain ils pretschs ch’èn vegnids definids ordavant da Biestga Grischun.

Christian Parli, il manader da fatschenta da Biestga Grischun/Graubünden Vieh.
Legenda: Christian Parli, il manader da fatschenta da Biestga Grischun/Graubünden Vieh. RTR, Federico Belotti

RTR actualitad 08:00

Artitgels legids il pli savens

Ir a sanester Ir a dretg