Questa stad ha il cussegl d'administraziun clamà Ehrat sco experta da turissem per elavurar in concept per sviluppar il martgà. Ella n’aveva dentant fin uss nagina funcziun en il cussegl d’administraziun. Suenter ch’il manader da marketing aveva bandunà la societad per l’entschatta dal 2017 èn vegnidas creadas ina ierarchia pli directa nua ch’era ils tschintg manaders da team han survegnì dapli cumpetenzas. La «Lai Marketing e Support SA» ha uss en engaschà 32 persunas.
Pitschen gudogn da 3’000 francs
L'onn da fatschenta 2016/2017 serra la «Lai Marketing e Support SA» cun in pitschen gudogn da 3'000 francs. En total ha ella investì 2,8 milliuns francs en il marketing. Las pernottaziuns da la regiun Lai èn s’agumentadas per 1,8% sin 1’557’347 pernottaziuns.
RR novitads 15:00
