Siglir tar il cuntegn

Header

cuntegn

Grischun Central Arsenal d’armas è vegnì sut il martè

L’uffizi da scussiun e concurs Viamala ha vendì 11 armas a si‘aucziun da mardi saira a Rodels en Tumleastga. 3’660 francs ha l’aucziun purtà.

audio
Mezdi: Aucziun d'armas a Rodels
ord Actualitad dals 22.02.2017.
laschar ir. Durada: 2 minutas 20 Secundas.

Sco quai che Jürg Obrist, l’aucziunari e manader da l’uffizi da scussiun Viamala ha ditg, sajan tut las armas vegnidas vendidas pli aut ch’il pretsch minimal. Era sch’ina aucziun d’armas è insatge spezial (la davosa giada ha Jürg Obrist vendì armas avant tschintg onns) saja impurtant da vender era armas: «Nus da l’uffizi da scussiun e concurs essan obligads, da vender objects custaivels per che nus pudain pajar enavos als crediturs ina part dals daners ch’els han da bun or dal concurs».

Nagin fier vegl

Tut las 11 armas han chattà in cumprader. Fissan betg tut las armas vegnidas vendidas, alura fissan quellas vegnidas surdadas a la polizia chantunala, ch’avess mess ellas tar il fier veder. Dasper armas èn era vegnids vendids bleras autras chaussas a l’aucziun. L’entira aucziun ha cuzzà radund trais uras.

RR actualitad 12:00

Artitgels legids il pli savens