Siglir tar il cuntegn

Header

La Gelgia tranter Rona e Mulegns è il mument cuverta cun naiv, fotografia dals 11 da favrer 2016.
Legenda: La Gelgia tranter Rona e Mulegns è il mument cuverta cun naiv, fotografia dals 11 da favrer 2016. RTR, F. Belotti
cuntegn

Grischun Central Aua dal lai da Marmorera per la Gelgia

Mintg’onn ston 1’000 peschs vegnir spendrads or da la Gelgia. La raschun: Il lai da fermada da Marmorera lascha ora quasi nagin’aua restanta. En l’avegnir pudess quai però vesair or auter e la Gelgia duess survegnir aua restanta dal lai da Marmorera.

Grafica che mussa nua ch'ils peschs èn periclitads tranter Rona e Mulegns
Legenda: Actualmain ston mintg'onn dapli che 1'000 peschs vegnir spendrads or da la Gelgia tranter Rona e Mulegns. Grafica: RTR

Actualmain maina la Gelgia prest nagin’aua tranter Marmorera e Rona: Autra è la situaziun la primavaira e la stad. Durant quest temp vegn la Gelgia spisgentada dad auals laterals cun aua da la naiv. Per ils peschs daventa mintgamai l’atun in problem: Els vegnan la Gelgia si enfin sin la planira da Rona e mettan là ils ovs. E mo paucas emnas pli tard è la Gelgia setgentada or, perquai ch’il lai da Marmorera lascha ora quasi nagin’aua en la Gelgia. Mintg’atun lascha il chantun perquai tschiffar ils peschs, per spendrar els da la mort.

Lescha pretenda aua restanta

En l’avegnir vegn quai a sa midar: La lescha federala da la protecziun da las auas pretenda, che mintga lai da fermada lascha or aua restanta, e nizzegia betg pli tut l’aua per producir electric. Quant’aua che quai vegn ad esser, n’è igl mument betg anc cler. A maisas radundas vegn il mument discutà. Preschent è mintgamai il chantun, organisaziuns da l’ambient, pestgaders e l’ovra electrica da Turitg EWZ, la gestiunaria dal lai da Marmorera. Tenor la pledadra da la EWZ Esther Rutz, haja quai gia dà buns resultats dals discurs. Il mument ins possia però anc tradir nagut davart ils detagls. Entaifer ils proxims sis mais saja da quintar cun ina soluziun. Sin dumonda dad RTR conferman las organisaziuns da l‘ambient Pro Natura e WWF Grischun, ch’els hajan gì discurs constructivs a las maisas radundas.

Artitgels legids il pli savens

Scrollar a sanestra Scrollar a dretga