Siglir tar il cuntegn
Inhalt

Grischun Central Aventura hotel en la periferia

Manar in hotel en ina val perifera è ina sfida tut speziala. Heinz Bryner e sia dunna han avant quatter onns fatg in pass anc pli lunsch. Els han construì en la Val d'Avras schizunt in hotel nov e mainan ussa quel.

Fassada dal "Berghotel Turtschi".
Legenda: Il nov hotel en Val d'Avras. RTR, T. Poltera
Il nov hotel en Val d'Avras, Heinz Bryner.
Legenda: Il nov hotel en Val d'Avras, Heinz Bryner. RTR, T. Poltera

Heinz Bryner è in um lavurus. Avant quatter onns ha el ensemen cun sia dunna decidì da construir in hotel. En la Val d'Avras nua ch'els passentan ils ultims 30 onns lur vacanzas han els realisà lur siemi.

Cun fitg bler atgna lavur e prestaziun han els realisà il hotel Turtschi e mainan ussa quel. Construir in hotel en temps economics e turistics difficils è stada er ina provocaziun da motivaziun per el, ha ditg Heinz Bryner.