Siglir tar il cuntegn
Inhalt

Grischun Central Avertura via funtauna dal Rain

Il turissem en Valragn duess vegnir pli attractiv. Set projects per la summa da 300‘000 duessan vegnir realisads. Dus projects vegnan oz inaugurads.

la nova senda da viandar sin ina carta
Legenda: 40'000 francs èn vegnids investids en l'inscenaziun da la via da viandar cun posts d'infurmaziun e post da grillar. mad

La via da viandar tranter Valragn e Nufenen è vegnida inscenada cun posts, ch’infurmeschan davart ils detagls dal Rain Posteriur. Ed a Nufenen datti da nov da leger versets sin il fund dal bigl. Ils dus projects fan part al program “Futur turistic Valragn”. Tranter auter è era planisà da nizzegiar meglier il lai da fermada da Sufers. Fin l’atun da l’auter onn duess in studi davart la realisabladad esser avant maun. Era projects en la gastronomia en connex cun l’aua èn planisads, u ina via per velos. Plinavant datti in project che s’occupa cun la construcziun d’ina nova chasa per gruppas. Quella duess pudair vegnir duvrada per gruppas e per l’armada.