Siglir tar il cuntegn

Header

cuntegn

Avran puspè ils 25.12. 2019 Spleia ha stuì serrar territori da skis

Atgnamain aveva l’enviern entschet bain: Ils 6 fin 8 e 14 e 15 da december è il territori da la Spleia Tambo SA stà avert. Pervi da la plievgia ha quel dentant puspè stuì vegnir serrà. Il mument n’èsi anc adina betg pussaivel d’ir cun skis. Da Nadal pon las pistas dentant puspè vegnir avertas.

Sco quai che Hans Christian Bernet, il directur da las Pendicularas da Spleia Tambo SA ha ditg envers RTR, possia l'entir territori da skis puspè vegnir avert ils 25 da december. Oz ed er damaun vegnia anc lavurà cun tutta forza per lura porscher als giasts bunas pistas.

Purtret da Bernet en ses biro.
Legenda: Hans Christian Bernet, directur da Spleia Tambo SA. RTR, Federico Belotti

Deplorablamain na saja dentant betg pussaivel dad avrir la pista da la staziun a mez fin a la staziun da val. Prest che las temperaturas sajan fraidas avunda vegnian ils chanuns da naiv lura en acziun per era pudair ennevar questa part da las pistas.

RTR actualitad 12:00

Artitgels legids il pli savens

Scrollar a sanestra Scrollar a dretga