In'exposiziun en la stalla «bim nüwa Hus» ad Avras-Platta mussa ils plans d'in consorzi da Genevra per realisar ils onns 60 in ressort en Avras. Quindesch onns è vegnì planisà, discurrì e siemià … la fin finala han mancà ils daners ed il project è svanì. L'exposiziun organisada da l'uniun purtadra «hexperimente» ed Ina Bösch mussa documents da l'archiv communal dad Avras e da l'archiv dal stadi, ed illustrescha uschia il pensar e desideri dals onns 60.
In pensar e crair en il svilup dal turissem ch'ha manà ad in project per in resort da vacanzas cun 10'000 letgs per giasts en la vischnanca cun 160 abitantas ed abitants da lezzas uras.
Gugent havess Ina Bösch er discurrì cun perditgas da quel temp. Ma quai na saja betg stà pussaivel. Per la paja mussa l'exposiziun installaziuns da video e da tun ed er fotografias da la bellezza cuntrada mantegnida en Avras.
