Siglir tar il cuntegn

Header

audio
Bunura: Avras – Il ressort citad Alpina Cresta-Juf è stà in ressort utopic
Or da Actualitad dals 17.09.2019.
laschar ir. Durada: 2 minutas 57 Secundas.
cuntegn

Avras In ressort ch'igl ha dà sulettamain sin il palpiri

La visiun era: Avras duai daventar in hotspot turistic cun 10'000 letgs. Realisà han ins dentant be dus runals.

Ina societad genevrina aveva ils onns sessanta plans da realisar in ressort turistic a Cresta Juf sin 2'000 meters sur mar. Suenter ina fasa da planisaziun e calculaziun – è il project ch'aveva previs da realisar 10'000 letgs dentant ì da l'aua giu. Anna Klucker ch'è stada la dunna dal president communal da lez temp di oz, che quels plans sajan stads memia gronds per Avras. Ella sezza è leda che la val n'è oz betg surbajegiada e che la visiun da la societad da Genevra è restada ina visiun.

Plans gigantics èn restads plans

50 onns pli tard ves'ins dal project be pli pauc. La finala haja la societad realisà dus runals en la val, dapli betg. Tenor Anna Klucker na discurria oz er nagin pli dals plans futuristics che vulevan carmalar millis da persunas en la val. Ins savess ozendi er strusch s'imaginar che 10'000 turists ed in'entira roschada collavuraturs fissan s'installads a Cresta e Juf.

RR actualitad 07:00

video
Utopias grischunas
Or da Cuntrasts dals 03.09.2019.
laschar ir. Durada: 25 minutas 23 Secundas.

Artitgels legids il pli savens