Siglir tar il cuntegn
Inhalt

Grischun Central Avras: Um mora suenter accident cun ina balla strom

Ord motivs anc nunenconuschents è ina balla strom crudada giu d'ina crana ed ha tutgà in um da 50 onns.

Crana per transportar ballas strom en stalla.
Legenda: Ord motivs nunenconuschents è la balla crudada giu da questa crana. MAD

In pur da 45 onns era vid stgargiar ina balla da strom cun sia crana da fain en ina stalla ad Avras Cresta. Per motivs nunenconuschents è la balla d'enturn 400 kilos sa distatgada dal bratsch da la crana e crudada sin in um da 50 onns ch'era er en stalla. Quel è vegnì blessà grevamain. Pli tard è el mort en l'ospital chantunal a Cuira pervia da sias grevas blessuras.

La procura publica dal Grischun intercurescha uss ensemen cun la polizia chantunala ils detagls da l'accident.

RR novitads 18:00