En tut han 360 voluntarias e voluntarias, durant 5'000 dis da lavur gidà a stabilir la cuntrada d'Avras, nua ch’i dat oz, cun 470 tocs, la pli gronda muntanera da chauras da la Svizra.
Martin Kreiliger, il manader da fatschenta dal «Bergwaldprojekt» ha ditg, che la lavur en Val d’Avras cun plantas ch’han per part dapli che 700 onns, saja fitg speziala e motivanta. Il pur Martin Patzen ha ditg, ch’el apprezieschia l’agid da las voluntarias e voluntaris. Sez na fissi mai pussaivel da far tut las lavurs necessarias en il guaud e d’allontanar la cuntrada dal chagliom, e da dar dapli glisch als guauds en Avras.
Attent sin ils bels guauds en Val d’Avras è era vegnì l’Institut federal per la perscrutaziun da guaud, naiv e cuntrada WSL. Sin iniziativa dal Bergwaldprojekt ha el publitgà avant curt il rapport «Zur Geschichte der Wälder im Avers».
-
Bild 1 von 7. Michel Meng maina las lavurs dal Bergwaldprojekt en Val d'Avras. Bildquelle: RTR.
-
Bild 2 von 7. Martin Kreiliger è il manader dal Bergwaldprojekt. Bildquelle: RTR.
-
Bild 3 von 7. En il Hohenhauswald en Val Madris èn vegnidas runcadas plantas per regiuvinar il guaud. Bildquelle: RTR.
-
Bild 4 von 7. Qua allontaneschan voluntaris chagliom. Bildquelle: RTR.
-
Bild 5 von 7. Martin Patzen è led da l'agid dal Bergwaldprojekt. Bildquelle: RTR.
-
Bild 6 von 7. En quest laresch hai dà donns entras in chametg, perquai mantga il piz. Tuttina è questa planta dapli che 700 onns veglia. Bildquelle: RTR.
-
Bild 7 von 7. Il Hohenhauswald en la val laterala d'Avras, la Val Madris. Bildquelle: RTR.
