Mirko Baselgia ha exponì intginas da sias ovras d’art en l’ambassada Svizra a Beirut, e plinavant ha el collavurà cun artists indigens: «Per mai è il viadi stà interessant ed intensiv, jau hai emprendì ad enconuscher blera glieud ed era collavurar cun differents, ed il davos hai dà in’exposiziun nua che nus avain pudì mussar lavurs che nus avain fatg là, e quai è stà in bel mument da vesair ch’igl è pussaivel da far lavurs era in curt temp».
Bibi Vaplan ha concertà en quatter lieus. Il meglier ha plaschì ad ella il concert a Beirut:«Il viadi è stà fitg impressiunant, jau hai fatg fitg bellas experientschas cun il pajais, cun ils umans e cun far concerts en in nov lieu sut autras circumstanzas, in dals pli bels concerts ch'jau hai fatg en mia vita è stà quel a Tripolis», uschia la chantadura Engiadinaisa.
Organisà il barat cultural ha l’Engiadinais Chasper Sarott, che lavura gia plirs onns en l’ambassada Svizra a Beirut sco secretari.
-
Bild 1 von 6. Bibi Vaplan tar ses concert en il Tripoli Safadi Cultural Center. Bildquelle: Heinz Kunz.
-
Bild 2 von 6. Bianca Mayer en in'intervista d'inura tar il Radio Liban a Beirut. Bildquelle: Heinz Kunz.
-
Bild 3 von 6. L'invit per l'exposiziun da Mirko Baselgia. Bildquelle: mad.
-
Bild 4 von 6. L'ovra "Midada da structura" en l'exposiziun da Mirko Baselgia. Bildquelle: Heinz Kunz.
-
Bild 5 von 6. Mirko Baselgia ha visità il barbier a Beirut. Bildquelle: Heinz Kunz.
-
Bild 6 von 6. Durant in'excursiun a Byblos: sanester Chasper Sarott, a dretga Bibi Vaplan, terz da dretg Mirko Baselgia. Bildquelle: mad.