Sco quai che Peider Ganzoni, il president da la cumissiun da fabrica ha ditg, quintan els cun custs da renovaziun da passa 2,5 milliuns francs. Finanzià la renovaziun han la vischnanca d’Andeer, il cumin baselgia, il chantun, la baselgia chantunala ed il Fond da solidaritad Svizzer.
Trais dis festa
En connex cun la renovaziun da la baselgia datti ina festa da trais dis. Quella dura da venderdi ils 26 d’avust enfin dumengia ils 28 d’avust. Il venderdi envida l’Uniun dals mats ad ina sairada cun musica en la tenda da festa sin il parcadi grond.
La sonda èn envidads tut ils confirmands ch’èn ina giada vegnids confirmads en la baselgia. Dals 500 dumandads èn s’annunziadas circa 300 persunas, ha ditg Peider Ganzoni. L’inauguraziun uffiziala da la baselgia è la dumengia.
-
Bild 1 von 12. La via vers la baslegia. Bildquelle: RTR, F. Belotti.
-
Bild 2 von 12. Ina sulada cuvra ussa l'access a pe tar la baselgia. Bildquelle: RTR, F. Belotti.
-
Bild 3 von 12. L'access da la vischnanca tar la baselgia è vegnì fatg da nov. Bildquelle: RTR, F. Belotti.
-
Bild 4 von 12. In ascensur nov è vegnì construì - avant cuntanschivan mo persunas ch'èn bain a pe la baselgia. Bildquelle: RTR, F. Belotti.
-
Bild 5 von 12. Peider Ganzoni, il president da la cumissiun da fabrica. Bildquelle: RTR, F. Belotti.
-
Bild 6 von 12. Ils frescos ch'èn vegnids a la glisch sut la colur cotschna. Bildquelle: RTR, F. Belotti.
-
Bild 7 von 12. In tetg protegia ussa la glieud da la plievgia e dal sulegl. Bildquelle: RTR, F. Belotti.
-
Bild 8 von 12. Era l'orgla è vegnida restaurada. Bildquelle: RTR, F. Belotti.
-
Bild 9 von 12. Il crap da battesim en la baselgia refurmada. Bildquelle: RTR, F. Belotti.
-
Bild 10 von 12. La baselgia renovada. Bildquelle: RTR, F. Belotti.
-
Bild 11 von 12. Detagls dals frescos ch'èn vegnids a la glisch. Bildquelle: RTR, F. Belotti.
-
Bild 12 von 12. Ussa ha la baselgia era ina cuschina. Bildquelle: RTR, F. Belotti.