Legenda:
La pratica per uffants a Tusaun.
RTR, Federico Belotti
cuntegn
Betg chattà successur - Ospital da Tusaun surpiglia pratica d’uffants
La fin da l’onn va la media d'uffants Regula Theile en pensiun. Perquai ch’ella n’ha betg chattà in medi che vul surpigliar la pratica a la Feldstrasse, surpiglia l'ospital da Tusaun quella. Actualmain tschertga l'ospital dus medis per la pratica d’uffants.
Sco quai che l'ospital scriva en ina communicaziun, maina el la pratica d’uffants a partir dal prim da schaner da l’auter onn. Ils medis duain sa concentrar sin las lavurs medicinalas, e l'ospital surpiglia las lavurs da finanzas, tschertgar persunal, informatica ed autras lavurs administrativas. Profitar possia la pratica plinavant da las sinergias ch’i dettia era en connex cun la nova pratica da medis ad Andeer, che vegn medemamain manada da l'ospital da Tusaun.
