A Bivio han ins chattà la mesemna la bara d'in um ch'è sa disgrazià cun ir a viandar. Tenor la Polizia chantunala era il viandant da 58 onns partì il glindesdi dad Avras per ina tura en muntogna. Il mardi saja la dunna da l'um lura s'annunziada tar la polizia, perquai ch'ella na pudeva betg pli cuntanscher l'um cun il telefon.
L'acziun da tschertga da la Rega e da las forzas da salvament ch'era immediat vegnida instradada, ha però stuì vegnir interrutta anc il mardi pervi da l'aura. La mesemna suentermezdi han ins lura chattà la bara a la costa sidost dal piz Uf da Flüe sin bun 2'700 meters sur mar.