Siglir tar il cuntegn
Inhalt

Grischun Central Bike World Cup Lai è pront per l’elita

Lai è pront per il cup mundial da mountainbike, ch’ha lieu da venderdi enfin dumengia. Gia per la terza giada vegn l’elita da velos da muntogna puspè a Lai. Da la partida è l’entira elita da mountainbike.

Christoph Müller, il president dal comité d'organisaziun.
Legenda: Christoph Müller, il president dal comité d'organisaziun. RTR, Federico Belotti

Christoph Müller, il president dal comité d’organisaziun sper, da pudair beneventar sco l’onn passà radund 18’000 aspectaturas ed aspectaturs.

In sigl da 8 meters autezza

Sco novaziun spectaculara numna el il nov sigl per ils downhillers, in sigl dad otg meters autezza en l’arrivada. La cuppa mundiala è quasi in’emprova generala per il campiunadi mundial da l’auter onn a Lai.

Venderdi e sonda èn las qualificaziuns e las cursas dals downhillers, e la dumengia èn las cursas da Cross Country, nua ch’il matador local Nino Schurter ha puspè bunas schanzas per in plaz sin il podest. Las cursas da la dumengia da las dunnas e dals umens vegnan mussadas live sin SRF, quai a partir da las 12:15.

RR actualitad 17:00