Sco quai ch’il cusseglier d’administraziun dal Museum da viafier, Roman Sommer, ha ditg, saja l’emrpim onn da manaschi stà in record cun 30’000 visitaders. Actualmain hajan ins enturn 18’000 visitaders ad onn, tge che saja sut las spetgas. Per garantir era en l’avegnir il manaschi dal museum, ha il museum lantschà mesiras da spargn.
Uschia èn per exempel duas plazzas betg vegnidas remplazzadas avant trais onns. In curatur vegnia per exempel mo pli engaschà per preparar exposiziuns spezialas. Adina sche pussaivel vegnian engaschads voluntaris per las differentas lavurs, uschia Sommer.
In dals gronds projects ch’il museum è il mument vi da realisar è ina garascha per la locomotiva pli enconouschenta da la Viafier retica: Il «crocodil».
RR actualitad 11:00+