Per la terza giada hai dà l’Open Air Bivio e quest onn per l'emprima giada sur dus dis.
Sin 1900 meters sur mar han ils organisaturs pudì preschentar in interessant line-up davant ina culissa imposanta muntagnarda. Nivels da plievgia, vents e chametgs han procurà per ina dramatica speziala, dentant era per gronds retards tar ils concerts.
L’artista indigena, Saskia Demarmels, ha dastgà cumenzar il program da la sonda suentermezdi avant artistas sco Ella Ronen e Knackeboul. Per Saskia Demarmels in fitg bel mument en sia patria suenter la gronda pausa chaschunada da corona. Natiralmain vess er ella giavischà anc dapli public.
La pauc buna previsiun da l’aura saja stà in motiv ch'i n’aveva betg uschè blera glieud manegian ils organisaturs. Lur finamira è da crescher onn per onn, però plaun e saun.