Bivio - Brassaria fa café sin 1'769 meters sur mar
Dapi la stad passada datti ina pitschna brassaria en l’anteriura posta da Bivio. Il café vegn brassà cun café che deriva da la Guatemala, l’India e la Brasilia. En media fa la brassaria da Bivio tranter 300 fin 500 kilos café il mais. Ed ella venda quel ad hotels ed a butias da Bivio e dal Surses.
Legenda:
Jasper Konijenberg è il capo brasseur da Bivio.
RTR, Federico Belotti
2 / 14
Legenda:
Il café vegn elavurà en l'anteriura posta da Bivio.
RTR, Federico Belotti
3 / 14
Legenda:
Duas da las trais sorts café che vegnan vendidas a Bivio ed en autras butias da la val.
RTR, Federico Belotti
4 / 14
Legenda:
Quai è la pli pitschna maschina da brassar café ch'i dat sin la fiera. Ella custa radund 12'000 francs.
RTR, Federico Belotti
5 / 14
Legenda:
I cuzza radund 20 minutas, enfin ch'il café è brassà.
RTR, Federico Belotti
6 / 14
Legenda:
Il café pront sto anc ruassar dus dis, avant ch'el vegn pachetà.
RTR, Federico Belotti
7 / 14
Legenda:
Vista en la brassaria da café.
RTR, Federico Belotti
8 / 14
Legenda:
Durant il brassar sto il café vegnir controllà permanentamain.
RTR, Federico Belotti
9 / 14
Legenda:
Jasper Konijenberg è responsabel per tut en la fatschenta.
RTR, Federico Belotti
10 / 14
Legenda:
Il café criv deriva tranter auter da la Brasilia e la Guatemala.
RTR, Federico Belotti
11 / 14
Legenda:
Tras questa pitschna fanestrà èsi pussaivel da guardar sch'il café è gia brassà avunda.
RTR, Federico Belotti
12 / 14
Legenda:
Nagin spurtegl pli: Nua ch'ins purtava pli baud sias brevs e ses pachets, vegn oz fatg café.
RTR, Federico Belotti
13 / 14
Legenda:
Il café vegn elavurà en l'anteriura posta da Bivio.
RTR, Federico Belotti
14 / 14
Legenda:
Il café po era vegnir degustà en l'anteriura posta da Bivio.
RTR, Federico Belotti
Fatg vegn il café da l’allrounder Jasper Konijenberg, ch’è oriund da l’Ollanda. El ha lavurà intginas stagiuns sco camarier a Bivio, la vischnanca enconuscha el da las vacanzas da skis da sia uffanza. El è responsabel per tut, vul dir il brassar il café, far il marketing, e trametter e vender il café a ses clients.
Sco quai che Jasper Konijenberg ha ditg, fetschia el il café il mument cun ina pitschna maschina da brassar. Mintg’ura dettia quai radund sis kilos. Sch’ils affars marschian bain en l’avegnir, veglia la «Bivio Rösterei GmbH» en l’avegnir cumprar ina maschina pli gronda cun dapli capacitad. Cun la pitschna saja l’idea, da far en l’avegnir workshops da brassar café.
audio
Brassar café a Beiva – actualmain è la producziun tar 6 kilos l’ura
03:57 min, ord Actualitad dals 26.01.2021.
laschar ir. Durada: 3 minutas 57 Secundas.
Far café a Bivio è auter che giu la Bassa
Emprendì da far café ha Jasper Konijenberg en in curs en il Principadi da Liechtenstein. Far café a Bivio sin in’autezza da 1'769 meters sur mar saja ina sfida, cun quai ch’il dretg mument saja sin quest’autezza in’auter ch’en la Bassa. Ussa, prest in mez onn suenter ses emprim café brassà, saja la qualitad sin in fitg bun stan.
Il manader da fatschenta da la brassaria da Bivio è Pascal Uffer, ch'ha gì ina funcziun da cader tar l’interpresa Selecta. El viva en la Bassa ed ha ragischs en il Surses.
