Albert Rösti metta novas prioritads en la planisaziun da las vias naziunalas. L’entschatta da favrer ha il cusseglier federal publitgà las ideas per ils proxims 20 onns. Per las vias naziunalas ha per exempel il sviament da Beiva nagina prioritad.
In sviament muntass per nus tuts ina pli auta qualitad da vita.
La vischnanca da Surses vul ussa analisar la situaziun e guardar sch’i dat alternativas ad in sviament. Daniel Wasescha, il president communal, ha ditg sin dumonda ch’ins veglia – cura ch’ins sappia co agir – deponer il giavisch a Berna.
Betg tuts èn da la medema opiniun
En vischnanca da Beiva èn las opiniuns divididas. Giancarlo Torriani da l'hotel Solaria tema che blers na fermassan betg pli a Beiva cun in sviament.
Ils passants ston avair ina raschun da sa fermar.
El propona da spazzar ina part da la chasa pravenda. Autra saja la situaziun sch’i vegniss investì in pèr milliuns per embellir Beiva: «Ils passants ston avair ina raschun da sa fermar», di Torriani.
-
Bild 1 von 5. Martina Lanz da l'hotel Post avess gugent in sviament. Bildquelle: RTR.
-
Bild 2 von 5. Helen Rizzi dal Volg profitescha da clients che ferman. Cun in sviament tema ella pli paucs giasts, ella beneventass dentant dapli quietezza. Bildquelle: RTR.
-
Bild 3 von 5. Per Giancarlo Torriani da l'hotel Solaria datti era alternativas per in sviament. Bildquelle: RTR.
-
Bild 4 von 5. La via dal Güglia è la via naziunala tras Beiva. Bildquelle: RTR.
-
Bild 5 von 5. Tuts che van en Engiadina ston passar tras vischnanca. Bildquelle: RTR.
Martina Lanz da l'hotel Post vesa mo avantatgs cun in sviament: «In sviament muntass per nus tuts ina pli auta qualitad da vita». La vendidra dal Volg Helen Rizzi ha ditg ch’in sviament avess avantatgs e disavantatgs. «Pli pauc traffic tras vischnanca è da beneventar, ma nus avain blera glieud che passa cun l’auto vers l’Engiadina che ferma qua per far las cumpras».