Dumengia èn pliras persunas sa blessadas pervi d'in accident sin il pass dal Güglia. Quai communitgescha la polizia chantunala.
In automobilist da 41 onns che charrava cun in bus pitschen en direcziun Bivio ha surpassà in auto-rulotta ed ha silsuenter pers la controlla sur da ses vehichel. El è collidà cun la saiv directiva, ha sfratgà atras quella ed è cupitgà ina giada da la scarpa giu. Quatter uffants e quatter creschids èn vegnids transportads en l'ospital. Davart lur blessuras na fa la polizia naginas indicaziuns. La polizia chantunala intercurescha uss quest cas.