Siglir tar il cuntegn
Inhalt

Grischun Central Bleras plantas derschidas a Bravuogn e Filisur

En la vischnanca Bravuogn Filisur èn derschidas pervi dal vent plantas sin ina surfatscha da radund 90 hectaras. Pertutgada è la regiun Cuolm da Latsch, la val Stugl, la val Tuors e Falein. Sco quai che Urs Fliri, il schef da gestiun dal revier forestal Alvra ha ditg, haja dà gronds donns.

Legende: Video «Vaia» ha fatg gronds donns en la Val d'Alvra abspielen. Laufzeit 02:46 Minuten.
Or da Telesguard dals 01.11.2018.

Las plantas ch’èn derschidas surpassian il tagl annual da l’anteriura vischnanca da Bravuogn, ha Fliri ditg plinavant. Derschidas sajan las plantas pervi dals ferms vents la notg da glindesdi sin mardi. Da las 90 hectaras pertutgadas èn tenor infurmaziuns dal revier forestal Alvra 35 hectaras pertutgadas d'in donn total. Dapli che 20'000 meters cubics plantas è per terra.

La mesemna haja quai dà in sgol per pudair sa far in maletg da las consequenzas. In’analisa en detagl stoppia ussa anc vegnir fatga. Per part è pertutgà era guaud da protecziun. Tenor il schef dal revier forestal Alvra Urs Fliri vegnia la primavaira analisà, sch’i dovria mesiras cun rempars da lavinas. Per l’enviern na saja dentant betg da quintar cun problems, cun quai ch’ins possia en tscherts lieus laschar las plantas derschidas per terra enfin la primavaira, uschia ch’ellas possian anc adina tegnair enavos la naiv.

RR actualitad 06:00

Ord l'archiv: Orcan Vivan en la Cadi – mars 1990