Siglir tar il cuntegn

Header

cuntegn

Grischun Central Bogn Alvagni SA spera sin sustegn da la vischnanca

La Bogn Alvagni SA ha danovamain fatg in deficit l’onn 2018, e quai gia la 10avla giada en seria. Il deficit munta a radund 144'000 francs. L’acziunari principal Hans Christoffel na vul betg pli surpigliar deficits, el spera sin sustegn da la vischnanca Albula/Alvra.

audio
Mezdi: Bogn Alvagni fa danovamain deficit – co vinavant?
ord Actualitad dals 20.06.2019.
laschar ir. Durada: 2 minutas 55 Secundas.

La vischnanca Alvra haja fatg ina proposta, co ch’in agid pudess vesair ora, ha ditg l’acziunari principal e manader da fatschenta da da la Bogn Alvagni SA Hans Christoffel. El quintia ch’en radund trais mais possia el decider davart la proposta da la vischnanca. Detagls davart questa proposta na vegnan il mument betg communitgads. Nagina opziun è per la vischnanca, da pajar 200'000 francs ad onn sco contribuziun annuala: «Sche nus dain mintg’onn 200'000 francs alura avain nus en tschintg onns in milliun davent e n’avain anc adina nagina soluziun», ha ditg Rico Liesch, suprastant da la vischnanca Alvra e commember dal cussegl d’administraziun da la Bogn Alvagni SA.

RR actualitad 12:00

Artitgels legids il pli savens