Siglir tar il cuntegn

Header

Il bogn ad Alvagni è vegnì avert l'onn 2001.
Legenda: Il bogn ad Alvagni è vegnì avert l'onn 2001. mad
cuntegn

Grischun Central Bogn d'Alvagni avra pli ditg la saira

Il bogn termal ad Alvagni avra a partir da Nadal puspè enfin las otg la saira, il venderdi enfin las nov. Sco quai che Hans Christoffel, il president dal cussegl d’administraziun da la Bogn Alvagni SA ha ditg, hajan las uras d'avertura reducidas vilentà intgins visitaders.

L’onn 2001 cura ch’il bogn è vegnì avert, aveva il bogn anc avert enfin las diesch la saira. Ils emprims onns dumbrava il bogn era anc dapli che 80’000 visitaders ad onn. L’onn passà eran quai anc 43’320 e quest onn èn quai tenor la statistica anc ina giada pli paucs. Tenor Hans Christoffel haja il bogn malgrà la situaziun finanziala difficila actualmain nagins debits. L’onn da fatschenta 2015 vegnia però a finir senza gudogn. Per far investiziuns en l’avegnir dovria quai in gudogn, uschia Christoffel. El spera, da pudair animar dapli glieud en l’avegnir cun puspè tegnair avert pli ditg la saira.

Artitgels legids il pli savens

Scrollar a sanestra Scrollar a dretga