La stad saja stada fitg buna, raquinta Urs Baselgia, che maina in affar da sport da famiglia a Planeiras specialisà l'enviern sin ski nordic e la stad sin velos da muntogna. Ils clients e giasts hajan tschertgà la pussaivladad da cumprar u da prender a fit velos da muntogna.
Da prevair dentant sco che la situaziun da corona sa sviluppa, saja stà fitg grev per tuts. Els hajan perquai decidì da restar en il rom dals ultims onns quai che pertutga material da locaziun. «Cun da quai da 500 pèra skis da passlung» sajan els dentant pronts.
Urs Baselgia spera dentant ferm ch'ils affars na ston betg serrar dal tut pervia da corona. Ils concepts da igiena sajan en mintga cas in grond agid per l'acceptanza en quels temps da malsegirtad. El è schon cuntent sche la stagiun avant porta vegn ad esser medem buna sco l'ultima.