Siglir tar il cuntegn

Grischun Central Bovas chaschunan donns tar il center d’orticultura Schutz Filisur

Ina bova ha emplenì il letg da l'Alvra ed uschia sfurzà il flum en in'autra direcziun, atras ina part d’ina plantera. Dapli che 2'000 plantas èn destruidas.

Legende: Video Gronds donns en la Val d’Alvra pervia da bovas abspielen. Laufzeit 2:39 Minuten.
Or da Telesguard dals 08.06.2015.

La plantera pertutgada sa chatta en il quartier Punt Dador a la riva dal flum Alvra, gest sper Filisur en direcziun da Bravuogn. La valur da las plantas destruidas munta tenor Christian Schutz, in dals possessurs da l’orticultura Schutz, a rodund 150’000 francs. Ensemen cun ils donns al terren, al cundrez da schuar ed a las installaziuns tecnicas, munta il donn total a vers 700’000 enfin 900’000 francs.

Era sche bleras plantas sajan destruidas, ina influenza sin la fatschenta na duess quella bova betg avair. Tenor Christian Schutz hajan els anc avunda autras planteras per pudair ademplir ils giavischs dals clients.