Bravuogn - Amias ed amis da la cultura alpina èn sa radunads
Al «Bergfahrt Festival» èn stadas planisadas dapli che 100 occurenzas. Venderdi da mezdi è stada la vernissascha da l'exposiziun «Intervals» da Linard Nicolay. El expona indesch sculpturas da fier e da gip en il clavà da la Chesa Orta. Quai è l'emprima exposiziun en quest lieu.
L’exposiziun «Intervals» da l'artist Linard Nicolay da Rueun e nativ da Bravuogn è da vesair enfin ils 23 d’october en il «Talvà Chesa Orta» a Bravuogn, visavi dal museum regiunal. Quai è l’emprima exposiziun en il clavà ch’è vegnì renovà. En l’avegnir duess quest clavà vegnir nizzegià regularmain per occurrenzas culturalas ed exposiziuns.
audio
Bergfahrt Festival Bravuogn: Exposiziun da Linard Nicolay
02:43 min, ord Actualitad dals 27.05.2022.
laschar ir. Durada: 2 minutas 43 Secundas.
Vast program
Al festival che ha cuzzà trais dis hai dà concerts, films, prelecziuns e discussiuns da podi. Lantschà è vegnì il festival la gievgia ils 26 da matg, il di d'Ascensiun. Quai cun in concert dals Fränzlis da Tschlin. Tut en tut han radund 1400 persunas visità las occurrenzas a Bravuogn. Da visitar tut las occurrenzas na saja dentant betg stà pussaivel, ha ditg il manader dal festival. En tut èn 50 artistas ed artists da la partida. La lingua rumantscha è era vegnida integrada en il Festival, i ha adina puspè dà programs rumantschs.