Per decider co stuppar il meglier la rusna hani uss engaschà speleologs che documenteschan las profunditads dal sistem da cuvels.
Sco quai che Luzi Schutz, il president communal da Bravuogn Filisur ha ditg, spera el che las lavurs possian finir anc avant la primavaira, cura che la naiv lieua e lascha puspè cular dapli aua giu da l’Ava da Tuors.
Problem da l'aua resta
Era sche l’aua da l’Ava da Tours cula il mument grazia al provisori puspè en ses letg usità, fa l’aua che cula en il terren anc adina problems. Tar il Crap da Bravuogn / Bergünerstein tranter Filisur e Bravuogn, sa furman chandailas da glatsch che l’uffizi da construcziun bassa sto allontanar per raschuns da segirtad.
-
Bild 1 von 5. Tar il Crap da Bravuogn ston las chandailas da glatsch vegnir allontanadas per raschuns da segirtad. Bildquelle: RTR, Federico Belotti.
-
Bild 2 von 5. Questas chandailas da glatsch èn la consequenza da l'aua che svaniva en la terra. Bildquelle: RTR, Federico Belotti.
-
Bild 3 von 5. Dapi il december vegn l'Ava da Tuors sviada en quest bischen. Bildquelle: RTR, Federico Belotti.
-
Bild 4 von 5. Sut il bischen sto anc vegnir chavà. Bildquelle: RTR, Federico Belotti.
-
Bild 5 von 5. Il president communal da Bravuogn Filisur Luzi Schutz observa las lavurs. Bildquelle: RTR, Federico Belotti.
Auts custs per la vischnanca
La vischnanca haja gia investì 300'000 francs en las mesiras, plirs tschientmillis francs vegnian anc a suandar. Luzi Schutz è da buna speranza ch’il chantun sa participescha vi dals custs. Ina dumonda saja gia fatga. Plinavant spera el ch’era firmas participadas pajan ina cumpart da las lavurs, sco per exempel l’ovra electrica che nizzegia l’aua dal aual.