Sch’igl è en connex cun las mesiras dal Coronavirus pussaivel da far radunanzas, duessan ils parochians e las parochianas da Bravuogn e da Filisur-Alvra pudair decider a duas radunanzas independentas ina da l’autra davart la fusiun.
Per la pastoraziun è planisada ina procentuala da plevons da 148% ha ditg Dorli Josty, suprastanta da la plaiv refurmada da Bravuogn. Tenor il sboz da l’urden da la plaiv fusiunada duess la suprastanza sa cumponer da tschintg fin set persunas. Almain ina persuna duess esser da Filisur, ina da Bravuogn/Latsch/Stugl, ed ina da la diaspora.
Sche tut va tenor plan, daventa la fusiun realitad l’entschatta da l’auter onn.