Bravuogn e Filisur decidan il mars

Il mars 2017 decidan las radunanzas communalas da Bravuogn e Filisur davart la fusiun. La vischnanca duai avair num Bergün Filisur, la vopna è quella dal circul Bravuogn. La chanzlia duai esser a Filisur, e betg sco planisà oriundamain a Bravuogn.

Carta da fusiun. Bild in Lightbox öffnen.

Legenda da maletgs: Il territori da Bravuogn è marcantamain pli grond che quel da Filisur. Grafica RTR

A la saira d’infurmaziun da mesemna saira ha il cussegliader da la fusiun Tino Zanetti preschentà ils detagl finanzials. Actualmain preparan las duas vischnancas en Val d'Alvra il contract da fusiun ed il messadi. Quels duessan esser pronts il schaner. Il favrer datti alura sairas d’infurmaziun a Bravuogn ed a Filisur. Sche la fusiun vegn approvada, duai la nova vischnanca Bergün Filisur ir en vigur il prim da schaner 2018. Il chantun sustegna la fusiun cun 8,8 milliuns francs.

Durant la saira d'infurmaziun. Bild in Lightbox öffnen.

Legenda da maletgs: Radund 150 persunas han visità la saira d'infurmaziun. RTR, F. Belotti

RR actualitad 07:00