In batschigl sut ina cascada svanescha dapi sonda passada per gronda part en la profunditad. L’aua cumpara radund 350 meters plinengiu, sco or dal nagut puspè or da la costa. Plinavant cumparan adina puspè pitschens auals e novas funtaunas. D’observar è quest fenomen enfin tar il crap da Bravuogn, passa trais kilometers davent da la rusna nua che l’aua svanescha. Il medem è capità schon ina giada avant 102 onns.
audio
Bravuogn: Flum da Tuors svanescha en ina rusna
ord Actualitad dals 20.05.2021.
laschar ir. Durada: 3 minutas 54 Secundas.
Sco quai che l’Uffizi da geologia e privels da natira ha ditg envers RTR, sclereschia il chantun il mument, sche ulteriuras mesiras sajan necessarias. I sa tractia d'in process natiral ed enfin ch’i na dettia nagins donns vi da l’infrastructura, vias e chasas, ins na stoppia betg intervegnir.