Siglir tar il cuntegn

Header

video
Val Tuors: Ina part dal flum è svanida
Or da Telesguard dals 20.05.2021.
laschar ir
cuntegn

Bravuogn Flum da Tuors svanescha en ina rusna

Il flum da Tuors tranter Bravuogn e Latsch svanescha il mument per gronda part en ina rusna – e tschertga ina nova via sutterana. In privel per la populaziun na datti però betg.

In batschigl sut ina cascada svanescha dapi sonda passada per gronda part en la profunditad. L’aua cumpara radund 350 meters plinengiu, sco or dal nagut puspè or da la costa. Plinavant cumparan adina puspè pitschens auals e novas funtaunas. D’observar è quest fenomen enfin tar il crap da Bravuogn, passa trais kilometers davent da la rusna nua che l’aua svanescha. Il medem è capità schon ina giada avant 102 onns.

Sco quai che l’Uffizi da geologia e privels da natira ha ditg envers RTR, sclereschia il chantun il mument, sche ulteriuras mesiras sajan necessarias. I sa tractia d'in process natiral ed enfin ch’i na dettia nagins donns vi da l’infrastructura, vias e chasas, ins na stoppia betg intervegnir.

RTR actualitad 17:00

Artitgels legids il pli savens

Scrollar a sanestra Scrollar a dretga