«Unterwegs auf Kufen». Uschia sa numna l’exposiziun actuala dal Museum Bravuogn. Da vesair èn betg mo stadals da pumpiers e bennas sin stadals. Da vesair è era il buccal ambulant dal 1908 da las cursas da Preda a Bravuogn.
En il museum datti divers exponats spezials. Uschia è da vesair in uschenumnà «Schneegleiter». Quai è in’invenziun da l’anteriur producent da skis turitgais Attenhofer. Igl è ina cruschada tranter patins e skis, ina sort mini-ski. Da vesair è era in stadal cun ina roda da manar. Quella è d’in giast che ha visità Bravuogn dapli che quatter decennis, adina cun quest stadal. Exponì è era il buccal ambulant da las anteriuras cursas da bob da Preda – Bravuogn. Il pli spert temp aveva fatg in signur Ragonesi, quai cun in temp da circa tschintg minutas. L’exposiziun cuzza anc enfin ils 17 d’avrigl.