Bravuogn pudess nizzegiar meglier l’aua

Sco quai che la vischnanca da Bravuogn scriva en ina communicaziun, ha la suprastanza communala lubì a l’Axpo Power SA, da far a Tuors davant durant in fin dus onns mesiraziuns tar l’Ava da Tuors.

La vischnanca da Bravuogn. Bild in Lightbox öffnen.

Legenda da maletgs: La vischnanca da Bravuogn. RTR, F. Belotti

Sin basa d’in studi è l’interpresa d’electric vegnida tar la conclusiun, ch’i dettia tar la tschiffada d’aua existenta en Val Tuors anc in potenzial nunutilisà, che pudess vegnir duvrà per la producziun da 18 uras gigawat. Sche las mesiraziuns da la quantitad da l’aua han success, vul la Axpo Power SA realisar il project.