Sonda damaun hai brischà a Tusaun. Ils pumpiers han gì svelt sut controlla il fieu. 15 persunas – tranter quellas 2 uffants – han stuì vegnir evacuadas.
Il fieu è rut ora en il plaun sut il tetg da quatter chasas bajegiadas ina vid l'autra. Duas da las quatter immobiglias n'èn il mument betg pli abitablas. Per motivs da segirtad ha ina part dal palantschieu stuì vegnir allontanà. Quant grond ch'il donn è n'ha la polizia anc betg pudì dir.