Il manischunz da 33 onns dal car svedais è charrà mardi damaun da Casti en direcziun Pass da l'Avlra. Malgrà ch'igl è signalisà per la via dal Pass da l'Alvra pliras giadas ina limitaziun da la ladezza maximala da 2,30 meters ed in'autezza maximala da 3,30 meters è il chauffeur charrà vinavant. Curt avant las 10:00 è l'auto ch'era 25 cm memia lads ed in mez meter memia auts restà bloccà en ina curva tranter Bravuogn e Preda ed ha uschia era bloccà la via.
Ils 30 passagiers èn ids a pe a Preda nua ch'els han prendì il tren en direcziun Engiadina. Il bus han ins pudì deliberar ed il chauffeur ha silsuenter stuì turnar enavos a Bravuogn. Il chauffeur ha stuì deponer 1'000 francs sco chasti immediat.
RR novitads 12:00