Siglir tar il cuntegn

Header

Navigaziun

cuntegn

Grischun Central Cabina da telefon daventa biblioteca

Or da la cabina da telefon vis a vis da la chasa communala ha la vischnanca d’Andeer fatg ina pitschna biblioteca publica. Tgi che ha cudeschs ch’el na dovra betg pli po deponer quels en l’uschenumnada «Bücherbox». E tgi che vul, po prender ils cudeschs che plaschan.

Inizià quest project ha la vischnanca d’Andeer. «Ozendi han tuts in telefonin e nus avain stuì decider tge far ord la veglia cabina da telefon, uschia essan nus vegnids sin l’idea da nizzegiar la cabina da telefon sco pitschna biblioteca», di Marietta Kallen, suprastanta da la vischnanca d’Andeer.

Il barattar cudeschs duess plinavant esser in pitschen pass per spargnar resursas. La vernissascha da la nova «biblioteca» è sonda ils 2 da favrer a las 14:00.

RR actualitad 06:00