Siglir tar il cuntegn

Header

cuntegn

Grischun Central Campadi Savognin pretenda memia bler per l’electric

Il campadi Gelgia da Savognin ch’è en possess da las Pendicularas da Savognin SA, pretenda prest trais giadas uschè bler per l’electric sco quai ch’el paja a la vischnanca. Quai na correspunda betg a l’artitgel 75 da la lescha d’energia da la vischnanca Surses che scumonda gudogns cun l’energia.

Agitaziun regia il mument sin il campadi da Savognin pervi dal pretsch da l'electric.
Legenda: Agitaziun regia il mument sin il campadi da Savognin pervi dal pretsch da l'electric. RTR, F. Belotti

Sco quai che la revista «Beobachter» scriva en sia nova ediziun èsi illegal, che las pendicularas pretendan 45 raps per ura kilowatt, e pajan sezza be 16.65 raps per ura kilowatt. Las pendicularas na vulan betg pigliar posiziun sin las renfatschas.

Vischnanca sto controllar

La vischnanca da Surses è responsabla, che la lescha d’energia vegn respectada. Sco quai che Leo Thomann, il president communal da Surses ha ditg envers RTR, possia il campadi da Savognin pretender taxas supplementaras per l’infrastructura da l’electric sin il campadi. Quai sto però vegnir declerà sin il quint, quai che na vegn il mument betg fatg.

Nus faschain anc ina giada attent las pendicularas da separar ils dus quints, e nus vegnin era a controllar che quai vegnia fatg
Autur: Leo Thomann President communal da Surses
audio
Saira: Il campadi Savognin pretenda memia bler per l'electric
ord Novitads dals 24.10.2016.
laschar ir. Durada: 2 minutas 51 Secundas.

Pretsch d'electric illegal

Tenor la redactura Andrea Haefely dal Beobachter na possia quella taxa però betg esser prest 30 raps pli auta ch’il pretsch da l’electric sco tal. Differents abitants dal campadi a Savognin han fan opposiziun cunter l’augment da l’electric d’avant dus onns, fin oz dentant senza success.

Artitgels legids il pli savens