Siglir tar il cuntegn

Header

cuntegn

Grischun Central Campar sin il bain puril a Rona

Plazzas da campar èn il mument raras. Ina largia en il Surses serra la nova plazza da campar sin in bain puril. Dapi l’entschatta da fanadur mainan las famiglias Poltera e Caratsch a Rona ina nova plazza da campar. Quella porscha plaz a circa sis rulottas e 20 tendas.

Las emprimas duas emnas hajan gia pernottà circa 80 persunas sin il bain puril, ha ditg Philippe Poltera, in dals manaders dal campadi puril a Rona. Ins saja fitg cuntent cun questa cifra, che saja sur las spetgas. Sche l’affar marschia bain durant l’entira stagiun, alura veglian els era l’auter onn puspè offrir il pitschen campadi. Campà vegn sin il prà vis a vis dal bain puril, las rulottas parcheschan sin il prà da la vischnanca Surses. I dat er ina pitschna ustaria cun hamburgers fatgs a chasa sco spezialitad.

Avant in per onns devi sin il manaschi puril dals Caratsch's e Poltera's anc ina pitschna chascharia ch'elavurava latg da chauras. Ord mancanza d’in’alp da chauras en il conturn è il manaschi en il fratemp dentant vegnì serrà.

RTR actualitad 08:00

Artitgels legids il pli savens

Scrollar a sanestra Scrollar a dretga